Outra opción, recomendada pola súa beleza, é deixarse levar con calma pola senda de madeira que discorre desde o porto deportivo de Pedras Negras ata a zona de Con Negro.
Esta senda condúcenos durante aproximadamente 1 hora entre acantilados, para descubrir zonas agrestes e un mar Atlántico que por aquí se amosa menos sereno que no interior da ría.
Outra senda de madeira, paralela á praia da Lanzada, lévanos durante media hora a camiñar e respirar o iodo e os sales que chegan do mar. Percorrela supón un alivio para a nosa saúde en calquera época do ano.
