Con algo máis de 2 km, a “Ruta dos Lagarteiros” condúcenos polos sendeiros escarpados do monte da Siradella.
Durante 1 hora e media poderemos divisar algún lagarteiro, pequena ave de rapina adorada polos agricultores xa que limpa de insectos e pequenos roedores as colleitas.
Neste percorrido obteremos unhas claras vistas do istmo da Lanzada e, ao tempo, das espectaculares rochas graníticas que abondan en toda a península do Grove.